«Арсенал» 89-дақиқада урилган гол эвазига мағлубиятдан қутулиб қолди

Европа Чемпионлар лигаси 1/8 финал босқичида «Байер» ўз майдонида «Арсенал»ни қабул қилди ва Леверкузендаги кеча жуда драматик руҳда якунланди. Беллашув 1:1 ҳисобида тугади. Мезбонлар иккинчи бўлим бошланиши билан олдинга чиқди, лондонликлар эса охирги дақиқаларда пенальтидан гол уриб, мағлубиятдан қутулиб қолди.

Ўйиннинг биринчи қисмида ҳар икки жамоа эҳтиёткорлик билан ҳаракат қилди: «Байер» ҳужумларни босқичма-босқич қуришга уринди, «Арсенал» эса тўпни назоратда ушлаб, тезкор ўтишлардан фойдаланишга ҳаракат қилди.