Ўзбекистонлик ҳакамлар Элит Чемпионлар лигасида ишлайди

Ўзбекистонлик футбол ҳакамлари халқаро майдонда ўз маҳоратларини намойиш этишда давом этмоқда. Навбатдаги муҳим топшириқ Осиё Чемпионлар лигаси Элит мусобақасидан ўрин олди. Бугун Япония ва Жанубий Корея клублари ўртасидаги қизиқарли тўқнашувни айнан ҳамюртларимиз бошқариб боради.

Япония вакили "Мачида" ҳамда Жанубий Кореянинг "Канвон" жамоалари ўртасидаги баҳсда бош ҳакам сифатида Рустам Лутфуллин фаолият юритади. Унга қанотларда тажрибали ёрдамчилар Андрей Сапенко ва Тимур Гайнуллин кўмаклашади.