Мбаппе ва "Реал Мадрид" ўртасида жиддий келишмовчилик юзага келди

Мадриднинг "Реал" клуби юлдузи Килиан Мбаппе ва жамоа тиббий ходимлари ўртасидаги муносабатлар кескинлашди. "L’Equipe" нашри журналисти Антуан Симонно маълум қилишича, франциялик ҳужумчи ўз соғлиғи борасида клуб шифокорларига ишонмай қўйган. Бунга асосий сабаб сифатида футболчининг уч ой давомида қийнаётган жароҳатига тўғри ташхис ва даво чораси топилмагани кўрсатилмоқда. Мбаппе айни дамда ўзини тиклаш учун Францияга жўнаб кетган ва у ерда Карим Бенземани ҳам даволаган нуфузли мутахассислар хизматидан фойдаланмоқда.