"Ливерпуль" Арне Слотдан соврин ва тўртликни талаб қиляпти

“The Touchline” хабарига кўра, “Ливерпуль” раҳбарияти бош мураббий Арне Слотнинг клубдаги келажаги масаласида аниқ талаблар қўйган. Манбага ишонсак, мерсисайдликлар мутахассисдан жамоада қолиш имконияти сақланиб қолиши учун бир вақтнинг ўзида бир неча муҳим вазифани бажаришни кутяпти.

Энг асосий шарт — мавсумни камида битта соврин билан якунлаш. “Қизиллар” учун бу йил “қуруқ қолиш” вариант эмас. Шу боис Слот олдига Англия Кубоги ва Чемпионлар Лигасида максимал натижа кўрсатиш вазифаси қўйилгани айтилаяпти.