Муҳаммад Салоҳ ёш юлдуз Вирцни қандай қўллаб-қувватлади?

Англиянинг «Ливерпул» клуби сафида тўп сураётган германиялик иқтидорли ярим ҳимоячи Флориан Вирц жамоага мослашиш даври қанчалик қийин кечгани ва бу борада унга кимлар ёрдам берганини очиқлади. Ўтган ёзда «Байер» клубидан 125 миллион евро эвазига трансфер қилинган футболчи дастлабки ойларда жиддий босим остида қолди. Англия премер лигасининг юқори суръатлари ва мухлисларнинг катта талаблари сабабли ёш юлдуз кўплаб танқидларга учради ҳамда узоқ вақт давомида ўзининг энг яхши ўйинини кўрсата олмади.