Англия Кубоги: «Арсенал» Мансфилдда ғалабани илиб кетди

Англия Кубогининг 5-раунди доирасида Лондоннинг «Арсенал» клуби сафарда «Мансфилд Таун» меҳмони бўлди. Кескин курашларга бой ўтган баҳсда «тўпчилар» 1:2 ҳисобида ғалаба қозониб, турнирнинг кейинги босқичига йўлланмани қўлга киритди.

Учрашувнинг 41-дақиқасида Н. Мадуэке ҳисобни очиб, меҳмонларни олдинга олиб чиқди. Иккинчи бўлим бошида, аниқроғи 50-дақиқада У. Эванс мувозанатни тиклашга муваффақ бўлди. Бироқ, 66-дақиқада Э. Эзе томонидан киритилган гол «Арсенал»га қимматли ғалабани тақдим этди.