Валверденинг сўнгги дақиқадаги голи Реал Мадридга ғалаба келтирди

Испания Ла Лигаси доирасида 2026 йил 6 март куни бўлиб ўтган "Селта" ва "Реал Мадрид" жамоалари ўртасидаги баҳс чинакамига футбол ишқибозларини хушнуд этди. Виго шаҳридаги "Балаидос" стадионида кечган учрашув кескин курашлар ва кутилмаган бурилишлага бой бўлди. Мадридликлар ўйинни фаол бошлаб, 11 дақиқада Орельен Тчуаменининг аниқ зарбаси эвазига ҳисобни очишга муваффақ бўлишди.

Мезбонлар мағлубият билан келишишни исташмади ва 25 дақиқада Борха Иглесиаснинг голи билан мувозанатни тиклашди.