Гимнастикачи Оксана Чусовитина навбатдаги финал йўлланмасини қўлга киритди

Озарбайжон пойтахти Боку шаҳрида спорт гимнастикаси бўйича нуфузли Жаҳон кубоги баҳслари қизғин давом этмоқда. Мусобақанинг дастлабки саралаш босқичлари ортда қолди ва унда тажрибали гимнастикачимиз Оксана Чусовитина ўз маҳоратини намойиш этди. Спортчимиз таяниб сакраш дастурида муваффақиятли иштирок этиб, финал босқичига йўлланмани қўлга киритди.

Саралаш баҳсларида ҳакамлар Оксана Чусовитина чиқишини 13.049 балл билан баҳолашди. Ушбу натижа унга умумий жадвалда учинчи ўринни эгаллаш ва финалга чиқиш имконини берди.