Ироқ терма жамоаси плей офф баҳси тасдиқланди: аммо муаммолар кўпайди

Ироқ миллий терма жамоаси 2026 йилги Жаҳон чемпионати саралаш босқичи доирасидаги қитъалараро плей-офф баҳси бўйича ФИФАдан расмий тасдиқ олганини маълум қилди. Қайд этилишича, ҳал қилувчи тўқнашув 31 март куни Мексиканинг Монтеррей шаҳрида ўтказилиши режалаштирилган.

Бироқ учрашув санаси ва манзили расман белгиланган бўлса-да, жамоа плей-офф олдидан жиддий ташкилий тўсиқлар билан тўқнаш келмоқда. Терма раҳбарияти Яқин Шарқдаги хавфсизлик вазияти кескинлашгани сабаб айрим логистик ишлар чалкашиб кетганини очиқ тан олди.