«Реал»да шубҳа кучайди: футболчиларда Арбелоага ишонч тўлиқ эмас...

Мадриднинг «Реал» клуби Ла Лиганинг 26-турида ўз майдонида «Хетафе»га 0:1 ҳисобида кутилмаган тарзда мағлуб бўлиб, чемпионлик пойгасида ўзини жуда ноқулай аҳволга солиб қўйди. Учрашувдаги ягона голни 39-дақиқада Мартин Сатриано урди. Бу натижадан кейин мадридликлар 60 очко билан иккинчи ўринда қолди, пешқадам «Барселона» эса 64 очко билан 4 очколик устунликка эга бўлиб турибди.

Бу мағлубият шунчаки очко йўқотиш эмас, балки жамоа ичидаги кайфият ҳақидаги муҳокамаларни ҳам янада кучайтирди.