«Валенсия» «Осасуна»ни ягона аниқ зарба билан енгди

Ла Лиганинг 26-турида «Валенсия» ўз майдонида «Осасуна»ни қабул қилди. Учрашувнинг асосий 90 дақиқасида жамоалар иккови бўлиб дарвозага атиги битта аниқ зарба йўллади ва у ҳам пеналти орқали амалга оширилди. Бу ҳақда euro-football.ru хабар беради.

65-дақиқада Умар Садик меҳмонлар жарима майдонида Серхио Эррера билан тўқнашувдан сўнг йиқилди ва ҳакам 11 метрлик жарима зарбасини белгилади. Пеналти зарбасини Ларжи Рамазани аниқ ижро этди: дарвозабон жойидан қимирламади, ҳисоб эса 1:0 кўринишига келди.