Джикиянинг майдонга тушмагани жароҳат билан боғлиқ эди

"Антальяспор" ҳимоячиси Георгий Джикия нега сўнгги пайтларда етарлича ўйин амалиётисиз қолганига унинг Туркиядаги вакили Малик Арутюнов изоҳ берди. Агентнинг айтишича, россиялик футболчининг майдонга тушмай қолиши жароҳат оқибати бўлган. Бу ҳақда euro-football.ru хабар беради.

Арутюновга кўра, Джикия ҳозир тўлиқ тикланган ва жамоанинг янги бош мураббийи ҳам уни асосий таркибда кўришни истамоқда. Вакил "Фенербахче"га қарши учрашувда ҳимоячи старт таркибида майдонга чиқишини кутаётганини ҳам таъкидлади.