Винисиус Неймарни қўллаб-қувватлаган ишораси учун мақтаб чиқди

Неймар "Васко да Гама"га қарши учрашувда икки бор гол урди. Юлдуз ҳужумчи голларидан бирининг нишонланишини Винисиусга бағишлаб, бурчак байроғи ёнида "Реал" футболчиси Европа Чемпионлар Лигаси доирасида "Бенфика"га қарши ўйинда ижро этган рақсни айнан такрорлади. Ўша пайтда айримлар Винисиуснинг бу ҳаракатини провокация деб баҳолаганди. Бу ҳақда euro-football.ru хабар беради.

Неймар рақс тушган суратни ижтимоий тармоқларда ҳам улашди. Пост остида Винисиус изоҳ қолдириб, "Мен сени севаман", деб ёзди ва юракча белгиларини қўшиб қўйди.