«Бавария» Нойер кетадиган бўлса, ўрнини Урбиг эгаллайди

Мюнхеннинг «Бавария» клуби дарвозабони Мануэль Нойер жорий мавсум якунида жамоадан кетиши мумкин. Март ойида 40 ёшга тўладиган жамоа сардори ҳозирча фаолиятини давом эттириш ёки якунлаш борасида якуний қарорга келмаган. Бу ҳақда euro-football.ru хабар беради.

Bayern & Germany манбасига кўра, агар тажрибали посбон ёзда клубни тарк этса, унинг ўрнини Йонас Урбиг эгаллаши аллақачон белгилаб қўйилган. «Бавария» Урбигга рақобатчи қидирмоқчи эмас, клуб фақат захира вариант сифатида янги дарвозабон олиб келиши мумкин.