«Галатасарай»да маошлар бўйича муаммолар борлиги айтилаётгани

«Коняспор»дан кутилмаган мағлубиятдан сўнг «Галатасарай» ичида муаммолар борлиги ҳақида гап-сўзлар тарқалди. TR24 портали хабарига кўра, жамоа футболчилари маошларини ололмаяпти. Бу ҳақда euro-football.ru хабар беради.

Манбада таъкидланишича, бу ҳолат уч ойдан бери давом этмоқда. Клуб раҳбарияти масалага изоҳ бермаётгани эса ОАВ ва мухлислар орасидаги қизиқишни янада кучайтирди.

Маҳаллий журналист Халик Юрекли сўнгги воқеалар фонида «Галатасарай»нинг чемпионлик имкониятлари жиддий савол остида қолаётганини билдирди.