Роналду Саудияда босим ўтказди ва буни ғалабага айлантирди

Уч ҳафтага чўзилган норозиликдан кейин Криштиану Роналду яна майдонга қайтди, навбатдаги ўйинда дубль қайд этди ва камера қаршисида тантанавор оҳангда: «Мен Саудия Арабистонига тегишлиман», деди. Бу ҳақда euro-football.ru хабар беради.

Трибуналар олқишлади, айримлар бу гапга чин дилдан ишонди. Ташқаридан қараганда ҳаммаси чиройли: MVP соврини, Flashscore’да юқори баҳо, Саудия ташкил топган кун муносабати билан елкасига ташланган анъанавий бишт. Аммо витрина ортида анча прагматик воқеа ётарди.