Аргентина чемпионати AFA атрофидаги можародан сўнг тўхтайди

Аргентина чемпионати бир ҳафталик танаффус олади: 9-тур учрашувлари кейинроқ ўтказилади. Бунга мамлакат футбол федерацияси атрофида навбатдаги коррупция можароси сабаб бўлди. Бу ҳақда euro-football.ru хабар беради.

Қизиқ томони шундаки, 7 ва 8-тур ўйинлари режа бўйича ўтказилади, танаффус эса айнан 9-турга тўғри келади. Тақвимда бу тур 5–8 март кунлари бўлиб ўтиши керак эди. 5 март куни AFA президенти Клаудио Тапиа трибунал олдида жавоб бериши кутилаётгани учун шундай қарор қабул қилинган.