«Галатасарай»да маошлар бўйича жиддий муаммолар юзага келди
«Коньяcпор»га кутилмаган мағлубиятдан сўнг «Галатасарай» ичида муаммолар борлиги ҳақида гаплар кучайди. TR24 хабарига кўра, жамоа футболчилари маошини ололмаяпти. Бу ҳақда euro-football.ru хабар беради.
Манбага ишонилса, бу ҳолат кетма-кет уч ойдан бери давом этмоқда. Клуб раҳбарияти эса вазият юзасидан расмий изоҳ бермаётгани матбуот ва мухлислар орасидаги қизиқишни янада оширмоқда.
Маҳаллий журналист Халик Юрекли сўнгги воқеалар фонида «Галатасарай»нинг чемпионлик имкониятлари жиддий шубҳа остида қолаётганини таъкидлади.