"Нефтчи" янги мавсумни меҳр ила бошлади: футболчилар таништирилди

Янги мавсум олдидан “Нефтчи” Фарғона клуби ҳар йили ўтказиб келинадиган таништирув маросимини бу гал бутунлай бошқача руҳда ташкил қилди. Бу сафар саҳна, расмий чиқиш ва “оддий тақдимот” билан чекланиб қолмади — тадбирнинг марказига меҳр-шафқат, инсонпарварлик ва жамоанинг халқ билан бирга эканини кўрсатувчи маънавий ғоя қўйилди.

Энг таъсирли лаҳза — янги футболчиларнинг ногиронлиги бўлган болалар билан бирга саҳнага чиққани бўлди. Ўйинчилар шахсий рақамлари туширилган либосларни айнан болажонларнинг қўлидан қабул қилишди.