«Галатасарай»да маошлар кечикмоқда, клуб ичида таранғлик кучайди

«Коньяcпор»га кутилмаган мағлубиятдан сўнг «Галатасарай» атрофида ташвишли хабарлар тарқалди. TR24 портали маълумотига кўра, жамоа футболчилари маошларини ололмаяпти. Бу ҳақда euro-football.ru хабар беради.

Манбага ишонилса, бу ҳолат уч ойдан бери давом этмоқда. Клубнинг расмий вакиллари эса вазият юзасидан изоҳ бермаётгани матбуот ва мухлислар қизиқишини янада оширмоқда.

Маҳаллий журналист Халик Юрекли сўнгги воқеалар фонида «Галатасарай»нинг чемпионлик имкониятлари жиддий шубҳа остида қолаётганини таъкидлади.