Лофтус-Чик «Парма» билан ўйинда оғир жароҳат олди

26-тур доирасида «Парма»га қарши учрашув «Милан» учун икки карра омадсиз кечди: жамоа нафақат мағлуб бўлди, балки англиялик ярим ҳимоячи Рубен Лофтус-Чикни ҳам йўқотди. Футболчи 11-дақиқада ўйин эпизодларидан бирида рақиб билан тўқнашувдан кейин майдонни тарк этди. Бу ҳақда euro-football.ru хабар беради.

Майдонга зудлик билан тиббий бригада чақирилди, Лофтус-Чикни замбилда олиб чиқишди. Футболчи ҳушида бўлгани сезилди, трибунадаги мухлислар эса уни қўллаб-қувватлаб, исмини бир овоздан куйлашди.