Зинедин Зидан Франция термасига бош мураббий бўлади

Зинедин Зидан Франция миллий жамоасида Дидье Дешамнинг ўрнини эгаллашга яқин. Инсайдер Фабритсио Романонинг хабар беришича, 53 ёшли мутахассис Франция футбол федерацияси билан оғзаки келишувга эришган. Бу ҳақда euro-football.ru хабар беради.

Мадриднинг “Реал” клубини бошқарган Зидан бўлажак жаҳон чемпионати якунлангандан сўнг “уч ранглилар”ни қабул қилиб олади. Шу тариқа у мураббийлик фаолиятига беш йиллик танаффусдан кейин қайтади.

Дешам эса Франция терма жамоасини 2012 йил ёзидан буён бошқариб келмоқда.