Слуцкий бошқарувидаги "Шанхай Шэньхуа" "Бурирам"га ютқазди

"Шанхай Шэньхуа" Осиё Чемпионлар лигасида 7-тур якунидаёқ плей-оффга чиқиш имкониятидан айрилганди. 8-турда "Бурирам Юнайтед"га қарши баҳс Леонид Слуцкий жамоаси учун турнир билан хайрлашиш олдидан сўнгги имконият эди, бироқ "эшикни қарсиллатиб ёпиш" ҳам амалга ошмади. Бу ҳақда euro-football.ru хабар беради.

Учрашувда Таиланд клуби 2:0 ҳисобида ғалаба қозонди. Ўйин бошидаёқ "Бурирам" икки бор рақиб дарвозасини ишғол қилди: 11-дақиқада Гуд Кёртис, 22-дақиқада эса Муеанта Супханат гол урди.