Мамаду Сарр «Челси»га қайтганидан хурсандлигини айтди

Лондоннинг «Челси» клуби ҳимоячиси Мамаду Сарр жамоага қайтгани борасида фикр билдирди. 20 ёшли сенегаллик футболчи мавсумнинг биринчи қисмини франсузнинг «Страсбург» клубида ижара асосида ўтказганди. Бу ҳақда euro-football.ru хабар беради.

«Бу ерда бўлишдан жуда хурсандман. Қайтишим осон кечди, чунки йигитларни ҳам, бу ердаги ҳаммани ҳам биламан — ҳеч қандай муаммо бўлмади. Бу ерда аъло даражадаги футболчилар бор. Жамоада бўлиш мен учун ёқимли ва ҳаяжонли», — дея Саррнинг сўзларини «Челси» матбуот хизмати келтирди.