Радимов Италия терма жамоаси савиясини паст баҳолади

Петербургнинг «Зенит» клубида тўп сурган собиқ яримҳимоячи, ҳозирда футбол мутахассиси сифатида фаолият юритаётган Владислав Радимов Италия футболи ҳолати ҳақида фикр билдирди. Бу ҳақда euro-football.ru хабар беради.

Радимовнинг таъкидлашича, Италия футболи ҳозир инқироз даврини бошдан кечирмоқда: клублар легионерлар ҳисобига маълум даражада натижа кўрсатаётган бўлса-да, терма жамоа даражаси паст ва жамоа жаҳон чемпионатига бормай қолиш хавфи остида. У бу гапларни «Match TV» эфирида айтди.