Радимов «Ювентус» ҳимоясидаги хатоларни кескин танқид қилди

Россия терма жамоасининг собиқ ярим ҳимоячиси, «Зенит»даги фаолияти билан танилган Владислав Радимов Италиянинг «Ювентус» жамоаси ўйини ҳақида фикр билдирди. Турин клуби кетма-кет тўртта учрашувда ғалаба қозона олмаяпти ва ҳар сафар камида иккитадан гол ўтказиб юбормоқда. Бу ҳақда euro-football.ru хабар беради.

Радимовнинг таъкидлашича, ҳимояда жуда содда хатолар кўп: футболчилар ўз жарима майдонида тўп билан ортиқча овора бўлиб, натижада кулгили голлар ўтказиб юборяпти. Унингча, жамоада ҳужум ва ҳимоя ўртасидаги мувозанат етишмаяпти.