«Арсенал» вингери Мадуэке ўзи ҳақида нотўғри фикрлар борлигини айтди

Лондоннинг «Арсенал» клуби вингери Нони Мадуэке жамоатчилик орасида унинг феъл-атвори ҳақида нотўғри тасаввур шаклланганини таъкидлади. Бу ҳақда euro-football.ru хабар беради.

23 ёшли футболчининг айтишича, баъзилар уни кибрли, ўзига ортиқча ишонадиган ёки етарлича меҳнат қилмайдиган футболчи деб ўйлайди. Мадуэке эса бунинг акси эканини, доим ўзи устида ишлашга ва ўйинини яхшилашга интилишини, ишига жиддий қарашини билдириб ўтди.

Жорий мавсумда Мадуэке 26 учрашувда 6 гол урди ва 3 та голли узатма берди.