Скотт МакТоминай билан шартномани узайтириш бўйича ишлар кетмоқда

Италиялик таниқли журналист Николо Скира шотландиялик ярим ҳимоячи Скотт МакТоминай атрофидаги вазиятга тўхталди. Унинг айтишича, "Наполи" футболчининг ўйинидан ниҳоятда мамнун ва келишув муддатини узайтириш устида ишламоқда. Бу ҳақда euro-football.ru хабар беради.

Скиранинг таъкидлашича, музокараларда икки томон ҳам шартномани янгилаш ниятини яширмаяпти: жараён қизғин давом этмоқда. Неаполликлар МакТоминайни жамоа учун жуда муҳим фигура деб билади ва у майдонда индивидуал кўрсаткичлари билан фарқни юзага келтираётганини қайд этади.