Скира «Наполи» МакТоминай билан шартномани узайтирмоқда

Италиялик таниқли журналист Николо Скира шотландиялик ярим ҳимоячи Скотт МакТоминай ҳақида фикр билдирди. Унинг айтишича, «Наполи» футболчининг ўйинидан жуда мамнун ва у билан келишув муддатини чўзиш устида иш олиб бормоқда. Бу ҳақда euro-football.ru хабар беради.

Скиранинг таъкидлашича, ҳар икки томон ҳам янги шартнома тузишни хоҳлаяпти ва буни яширмаяпти. Музокаралар жараёни қизғин паллада, неаполликлар эса МакТоминайни жамоа учун фундаментал даражада муҳим ижрочи деб билади: у майдонда индивидуал кўрсаткичлари билан фарқ яратмоқда.