Винисиусга қарши ирқчилик тўхтамаяпти: Испанияда 26 ҳолат қайд этилган

Испания стадионларида ирқчилик мавзуси яна кун тартибига чиқди. Бу гал эса гап яна бир бор Винисиус Жуниор атрофида кетяпти — футболчи охирги йиллар давомида бу “касаллик” билан деярли ҳар мавсум тўқнаш келяпти.

Ла Лига маълумотларига таяниб The Athletic ёзганига кўра, 2021 йил октябридан буён Винисиусга нисбатан ирқий камситиш билан боғлиқ 26 та ҳолат қайд этилган ва у бундай ҳақоратларга Испаниядаги 10 та турли стадионда дуч келган. Бу рақамлар футболчига босим “бир-иккита эпизод” эмас, тизимли муаммо эканини кўрсатади.