Ди Мария Аргентинада танқид остида қолмоқда ва баҳслар кучайди

Анхел ди Мария ватани Аргентинага қайтгач, дастлабки ижобий натижалардан кейин у учун мураккаб давр бошланди. Гап унинг ўйинидан кўра кўпроқ рақиблар ва мухлислар орасида пайдо бўлган эътирозларга бориб тақалмоқда: улар футболчи майдонда тез-тез йиқилиб, жарима зарбаси ёки пеналти ишлашга уринади, деб ҳисобламоқда. Бу ҳақда euro-football.ru хабар беради.

Аргентина чемпионати муҳокама қилинадиган форумларда «Росарио Сентрал» сафида тўп сураётган, аввал «Манчестер Юнайтед» ва «Реал»да ўйнаган ди Марияга нисбатан кескин фикрлар кўпайган.