Туркияда ҳакам голни бекор қилгач, унга электросамокат улоқтирилди

Туркиянинг қуйи, ярим ҳаваскор лигаларидан бирида майдондаги можаро кутилмаган даражага чиқди: ҳакам голни инобатга олмагач, трибунадан унга электросамокат улоқтирилди. Бу ҳақда euro-football.ru хабар беради.

Транспорт воситаси ҳакамга бориб теккан ва у жароҳат олгани айтилмоқда. Воқеа акс этган видео интернетда тез тарқалиб, кенг муҳокамаларга сабаб бўлди.

Ҳодиса "Дарендеспор" ва "Ҳекимҳан" жамоалари учрашувида юз берди. Ҳисоб 1:1 бўлиб турган пайтда 87-дақиқада баҳсли вазият қайд этилди.