Туркияда бекор қилинган голдан кейин ҳакамга самокат улоқтирилди

Туркиянинг қуйи, ярим ҳаваскор лигаларидан бирида майдондаги можароли эпизод кутилмаган зўравонлик билан якунланди. Голни ҳисобга олмаган ҳакам томонга трибунадан электр самокат улоқтирилгани ҳақида хабар тарқалди. Бу ҳақда euro-football.ru хабар беради.

Транспорт воситаси тўғридан-тўғри арбитрга тегиб, унга жароҳат етказгани айтиламоқда. Воқеа акс этган видео интернетда тезда оммалашиб, кенг муҳокамаларга сабаб бўлди.

Ҳодиса «Дарендеспор» ва «Ҳекимҳан» ўртасидаги учрашувда содир бўлган.