Доннарумма Месси уни нимаси билан ҳайратга солганини айтди

«Манчестер Сити» дарвозабони Жанлуижи Доннарумма «ПСЖ»даги даврларини эслаб, ўша пайтда Лионель Месси билан бир жамоада тўп сурганини ёдга олди. Италиялик посбон ва аргентиналик юлдуз 2021–2023 йилларда Париж клуби шарафини бирга ҳимоя қилган. Бу ҳақда euro-football.ru хабар беради.

Доннарумма Мессининг нафақат майдондаги маҳорати, балки инсоний фазилатлари ҳам уни лол қолдирганини таъкидлади. Унинг сўзларига кўра, Лео жуда камтар ва ажойиб инсон бўлиб, у билан бирга ўйнаган онлар фаолиятидаги энг ёрқин хотиралар қаторидан жой олади.