«Барселона» Марк Касадо билан шартномани узайтирмоқчи
«Барселона» ярим ҳимоячи Марк Касадони жамоа таркибида сақлаб қолишни истамоқда. Бу ҳақда euro-football.ru хабар беради.
Журналист Карлос Монфорт хабарига кўра, футболчининг амалдаги битими 2028 йил 30 июнгача мўлжалланган бўлса-да, каталонияликлар яқин ойлар ичида Касадо билан музокараларни бошлаб, шартномани 2031 йилгача узайтириш ниятида.
Бошқа клублар қизиқиши борлигига қарамай, Касадонинг ўзи ҳам «Барселона»да қолишни афзал кўрмоқда. У «кўк-анорранглилар» сафида тўп суриш ҳар доим орзуси бўлганини яширмайди.
Заголовки