Болонья Побегани Миландан тўлиқ сотиб олганини маълум қилди

Болонья расмий сайти чоршанба куни Томмазо Побега энди жамоанинг тўлақонли футболчисига айланганини тасдиқлади. Қизил-кўклар ярим ҳимоячини Миландан сотиб олиш бўйича шартномадаги опсиядан фойдаланди. Бу ҳақда euro-football.ru хабар беради.

26 ёшли футболчи Болонья билан 2028 йилнинг ўрталаригача мўлжалланган шартнома имзолади. Келишувда яна бир мавсумга узайтириш банди ҳам кўзда тутилган.

Побега Болонья сафида барча мусобақаларда 55 та расмий учрашувда майдонга тушиб, 7 та гол ва 5 та голли узатмага муаллифлик қилган.