Ливерпул Собослаининг Реалга кетишига йўл қўймоқчи эмас

Сўнгги кунлар ва ҳафталарда матбуот "Ливерпул" ярим ҳимоячиси Доминик Собослаини Мадриднинг "Реал" клуби билан тез-тез боғламоқда. Миш-мишларга Венгрия терма жамоаси бош мураббийи Марко Росси ҳам туртки берди: унинг айтишича, Собослаи болалигидан "Реал" сафида ўйнашни орзу қилган. Бу ҳақда euro-football.ru хабар беради.

Бироқ тарқалган гап-сўзларга қарамай, "Ливерпул" футболчини сотишни режалаштирмаяпти. TEAMtalk хабарига кўра, мерсисайдликлар Собослаи билан шартномани узайтирмоқчи ва музокаралар жараёни ижобий томонга силжимоқда.