Слуцкий бошқарувидаги «Шанхай Шенхуа» АЧЛда мағлуб бўлди

Осиё Чемпионлар лигасида етти турдан сўнг плей-офф йўлланмаси учун имкониятни бой берган «Шанхай Шенхуа» 8-турда турнир билан хайрлашиш олдидан иродали якун қилишга уриниб кўрди. Бироқ Леонид Слуцкий жамоаси «Бурирам Юнайтед»га қарши ўйинда буни уддалай олмади. Бу ҳақда euro-football.ru хабар беради.

Таиланд клуби учрашув тақдирини тез ҳал қилди: биринчи бўлимнинг дастлабки дақиқаларида кетма-кет икки гол урилиб, ҳисоб 2:0 кўринишини олди. 11-дақиқада Гуд Кёртис, 22-дақиқада эса Муеанта Супханат гол муаллифи бўлди.