Джикия «Антальяспор»ни тарк этиши мумкин, сабаб маошдаги кечикиш

Россиялик ҳимоячи Георгий Джикиянинг «Антальяспор» клубидаги келажаги борасида унинг агенти Малик Арутюнов изоҳ берди. Бу ҳақда euro-football.ru хабар беради.

Агентнинг айтишича, футболчи маошлар кечиктирилаётганидан норози ва шу боис Россия Премьер-лигаси клубларидан келиши мумкин бўлган вариантларни кўриб чиқмоқда. Арутюнов таъкидлашича, тўловлар ноябр ойидан бери кечикмоқда, қолган масалаларда эса Джикия Туркиядаги шароитдан мамнун.

32 ёшли ҳимоячи «Антальяспор» сафига ўтган ёзда келиб қўшилган.