«Арсенал» ПСЖ ҳужумчиси Усмон Дембеле трансферини кўзламоқда

ПСЖ ҳужумчиси Усмон Дембеле фаолиятини Англия чемпионатида давом эттириши мумкин. Бу ҳақда euro-football.ru хабар беради.

Fichajes хабарига кўра, футболчини таркибига қўшиб олишга Лондоннинг «Арсенал» клуби қизиқиш билдирмоқда. «Тўпчилар» раҳбарияти француз ҳужумчисини ёзги трансфер ойнасида олиб келиш вариантини кўриб чиқмоқда. Ҳозирча футболчининг ўзи бу кўчишга қандай қараётгани номаълум.

Дембеле 2023 йилда «Барселона»дан ПСЖга 50 миллион евро эвазига ўтган. Унинг шартномаси 2028 йил 30 июнгача амал қилади.