Камару Усман: Махачев ва Чимаевни енгиб, икки вазнда чемпион бўламан!

Нигериялик таниқли UFC жангчиси Камару Усман 2026 йил учун режаларини очиқ айтиб, мухлисларнинг қизиқишини янада оширди. Унинг гапларидан шу маълум бўлдики, Усман келаси йилни оддий “камар учун кураш” билан эмас, балки катта сценарий — икки вазн тоифасида чемпион бўлиш орзуси билан бошламоқчи.

Усманнинг таъкидлашича, биринчи ва энг асосий қадам — Ислом Махачевни мағлуб этиш. Нигериялик жангчи ўзини ярим ўрта вазнда чемпион сифатида кўришни истайди ва айнан шу мақсад унинг 2026 йилги режасида биринчи ўринга қўйилган.