Европа Кубогида дзюдочиларимиз "порлади": Ўзбекистон 2-ўринни эгаллади

Словения пойтахти Любляна шаҳрида бўлиб ўтган дзюдо бўйича Европа Кубоги ўз якунига етди. Нуфузли мусобақа Ўзбекистон терма жамоаси учун жуда омадли кечди: йигитларимиз медаллар жамғармасини бойитиб, умумжамоа ҳисобида юқори натижа қайд этди.

Мусобақанинг иккинчи кунида ҳам дзюдочиларимиз совринсиз қолмади. -90 кг вазн тоифасида Алишер Саманов бронза медалига сазовор бўлди. Шунингдек, Муҳаммадали Тангриев ҳам шоҳсупанинг учинчи поғонасига кўтарилиб, жамоа ҳисобига яна бир бронзани қўшиб қўйди.