"Машъал" янги легионер олди: Абубакар марказга куч қўшиши кутилмоқда

Муборакнинг “Машъал” жамоаси 2026 йилги мавсум олдидан таркибни мустаҳкамлаш ишларини изчил давом эттирмоқда. Клуб расмий маълумотига кўра, жамоа ганалик марказий ярим ҳимоячи Абдул Рашид Абубакар билан шартнома имзолади.

2000 йил 16 март куни туғилган (25 ёш) футболчи майдон марказида ишончли ҳаракатлари, юқори жисмоний тайёргарлиги ва кўп қирралилиги билан ажралиб туради. Абубакар фақат марказий ярим ҳимоячи сифатида эмас, балки таянч ва ҳужумкор ярим ҳимоячи ролларида ҳам самарали ўйнай олиши билан қимматли кадр ҳисобланади.