Витинья «Реал» учун жозибали нишон, «ПСЖ» эса уни бермайди

Мадриднинг «Реал»и яна трансфер бозорида йирик ўлжа изламоқда. Бу сафар испан матбуоти «ПСЖ» ярим ҳимоячиси Витиньяни «Сантьяго Бернабеу»га олиб келиш ғоясини кун тартибига чиқарди. The Touchline манбасига кўра, португалиялик футболчи «Реал»ни жаҳон футболдаги энг катта марралардан бири деб билади ва вариантни инкор қилмайди. Бироқ вазият анча мураккаб: шартнома 2029 йилгача, нарх ёрлиғи 110 миллион еврога яқин, устига-устак футболчи Парижда янги уй ҳам сотиб олгани унинг узоқ муддатга шу ерда қолаётганини англатади.