Икарди “Ғалатасарой” тарихидаги энг сермаҳсул легионерга айланди

Туркия чемпионатининг 22-турида “Ғалатасарой” “Эйюпсор”ни 5:1 ҳисобида йирик мағлуб этди. Учрашувда аргентиналик ҳужумчи Мауро Икарди хет-трик қайд этиб, жамоасининг ғалабасига катта ҳисса қўшди. Бу ҳақда euro-football.ru хабар беради.

Ушбу уч гол Икардига клуб тарихида янги ютуқ олиб келди: у “Ғалатасарой” сафида 76-голини уриб, руминялик Георге Ҳаджини (75) ортда қолдирди ва жамоа тарихидаги энг яхши хорижлик тўпурар бўлди. Умумий тўпурарлик рўйхатида эса аргентиналик футболчи ҳозирча 7-ўринда бормоқда.