«Қайрат» ҳимоячиси Мбаппе билан футболка алмашганини айтди

Қозоғистоннинг «Қайрат» клубида тўп сураётган ҳимоячи Александр Мартинович УЕФА Чемпионлар лигаси умумий босқичи учрашувидан сўнг Мадриднинг «Реал» жамоаси юлдузи Килиан Мбаппе билан футболка алмашгани ҳақида эслади. Бу ҳақда euro-football.ru хабар беради.

Футболчининг айтишича, ўйин тугагач, стадионнинг ички қисмида у Мбаппедан футболкасини сўраган ва ҳужумчи бунга дарҳол рози бўлган. Мартинович кейин ўз футболкасини ҳам таклиф қилган, Мбаппе эса уни ҳам мамнуният билан олганини «Match TV» эфирида маълум қилди.