Майкл Олисе «Бавария» сафида илк бор Бундеслига ўйинини ўтказиб юборади

Мюнхеннинг «Бавария» клуби қанот ҳужумчиси Майкл Олисе Германия чемпионатининг навбатдаги турида «Вердер»га қарши учрашувда майдонга туша олмайди. Бу ҳақда euro-football.ru хабар беради.

Ўтган турда 24 ёшли франсуз футболчи мавсумдаги бешинчи сариқ карточкасини олиб, дисквалификация қилинди. Шу сабаб у яқинлашиб келаётган баҳсда жамоасига ёрдам бера олмайди. Бу Олисенинг «Кристал Пэлас»дан 2024 йил ёзида «Бавария»га ўтганидан бери Бундеслигада илк бор учрашувни ўтказиб юборадиган ҳолати бўлади.