«Тоттенҳэм» Игор Тудор билан келишувга эришди

Игор Тудор «Тоттенҳэм» бош мураббийи бўлади. The Athletic хабарига кўра, Лондон клуби 47 ёшли хорватиялик мутахассис билан тайинлов борасида келишувга эришган. Тудор «шпорлар»ни 2025/2026 йилги мавсум якунигача бошқаради. Бу ҳақда euro-football.ru хабар беради.

Клуб раҳбарияти Тудор жамоа ўйинига тез фурсатда ижобий таъсир кўрсата олишига ишонмоқда. Унинг «Тоттенҳэм»даги илк учрашуви дербига тўғри келади — 22 февраль куни жамоа ўз майдонида «Арсенал»ни қабул қилади.

Ҳозирда «Тоттенҳэм» АПЛ турнир жадвалида 16-ўринда бормоқда.