Симеоне Ямални жаҳлини чиқариб уч бармоғини кўрсатди

Испания Кубоги ярим финалининг илк ўйинида «Барселона» сафарда «Атлетико»га қарши майдонга тушди ва Мадридда 0:4 ҳисобида йирик мағлубиятга учради. Бу ҳақда euro-football.ru хабар беради.

Marca хабарига кўра, учрашув давомида «матрасчилар» бош мураббийи Диего Симеоне «Барселона»нинг 18 ёшли иқтидор эгаси Ламин Ямални провокация қилишга уринган. Мезбонлар уч тўп фарқи билан олдинда кетаётган паллада аргентиналик мутахассис вингер томонга уч бармоғини кўтариб ишора қилган ва шу тариқа жамоасининг устунлигини намойиш этган.