Гарри Кейн «Бавария»нинг требл учун имконини баҳолади

«Бавария» ҳужумчиси Гарри Кейн жорий мавсум якунида мюнхенликлар треблни қўлга киритиш эҳтимоли ҳақида фикр билдирди. Бу ҳақда euro-football.ru хабар беради.

Англиялик форварднинг таъкидлашича, бу мақсадга эришиш мумкин, бироқ клуб ҳали манзилга етиб келмаган. Кейн жамоа барча мусобақаларда курашни давом эттираётганини эслатиб, ҳозирги ўйин ва клуб ичидаги муҳит треблга умид бераётганини айтди. Шу билан бирга, у требл учун омад ҳам кераклиги, натижалар барқарор бўлиши ва жароҳатлардан қочиш муҳимлигини қайд этди.